جانا الربيع جانا...

جانا الربيع جانا...
سعدي وفرحي بفصل الربيع هاهو جانا
بعدما غاب علينا مسكين هاذي سنة

جانا بخيرو وخميرو راه حمدنا عليه مولانا
شوف كيف الشمس شارقة والزهور متفتحة مزيانة...!

شوف الطيور عل لشكال ترفرف ها" مزويقة" ها "سيوانة"
وفيه تحلى النزاهة مع لحباب فنهاية كل سيمانة

تصفى لقلوب ؛ يزول الهم؛ وتزيان الكانة
والخضرة الطرية تشهي ؛شوفو الفول يغازل جلبانة

شوفو خيراتو الوافية..مياهو الصافية
شوفو الطبيعة ناشطة كيف تمنيت أنا

وفوقاتو الباهية تحلى لفراح الزاهية
آشمن مدايح واشمن قصايد ..واليوم فيه بسنة

جانا الربيع جانا ..النفوس ناشطة فرحانة
جانا الربيع جانا راه حمدنا عليه مولانا

سبحانو ..سبحانو بالنعايم لكثيرة راه حبانا

في انتظار دعمكم لي عن طريق ترك ردودكم تشجيعكم او حتى انتقاداتكم

مشكووووووووووووووووووووووووووووور



اخي العزيز على الرد

مشكور مرة ثانية